സത്യവേദപുസ്തകം വിക്കി സോര്‍സിലാലാക്കിയ വിവരം കഴിഞ്ഞ പോസ്റ്റില്‍ അറിയിച്ചിരുന്നല്ലോ.
സത്യവേദപുസ്തകം വിക്കിസോര്‍സിലാക്കിയതിനു തൊട്ടു പിന്നാലെ മലയാളം വിക്കി സോര്‍സ് ഒരു സുപ്രധാന നാഴികക്കല്ലു കൂടി പിന്നിട്ടിരിക്കുന്നു. ഭഗവത് ഗീതയുടെ മൂലകൃതി (സംസ്കൃതത്തിലുള്ളതു) മലയാള ലിപിയില്‍ വിക്കിസോര്‍സിലേക്കു ചേര്‍ക്കപ്പെട്ടിരിക്കുന്നു.
പ്രധാനമായും പ്രമുഖ മലയാള ബ്ലോഗറായ സൂര്യഗായത്രി ആണ് ഈ കൃതി മലയാളം വിക്കി സോര്‍സിലാക്കിയത്. ബൂലോകത്തിലെ ബാച്ചി സിങ്കം ദില്‍ബാസുരനും ചില അദ്ധ്യാ‍യങ്ങളില്‍ കൈവച്ചു. Sachunda, Truehacker എന്നീ രണ്ടു അജ്ഞാത വിക്കി സോര്‍സ് ഉപയോക്താക്കളും 2 അദ്ധ്യായങ്ങള്‍ എഴുതിയിട്ടുണ്ട്.
പതിവു പോലെ അടുത്ത ഘട്ടം ഇതു വരെ ചെയ്തതിന്റെ പീര്‍ റിവ്യൂ ആണ്. അതിനു സമയവും സാവകാശവും സന്‍‌മനസ്സും ഉള്ള ബൂലോകരില്‍ നിന്നു സഹായം അഭ്യര്‍ത്ഥിക്കുന്നു. സന്‍‌മനസ്സുള്ളവര്‍ shijualexonline@gmail.com എന്ന മെയില്‍ അഡ്രസ്സിലേക്കു ഒരു മെയിലയക്കുക.
മൂലകൃതി വന്ന സ്ഥിതിക്കു ഇതിനോട് അനുബന്ധിച്ചു അടുത്തതായി വേണ്ടത് ഭഗവത് ഗീതയുടെ ഒരു മലയാള പരിഭാഷ/വ്യാഖ്യാനം വരിക എന്നതാണ്. അതിനു ഏറ്റവും അനുയോജ്യം കൊടുങ്ങല്ലൂര്‍ കുഞ്ഞികുട്ടന്‍ തമ്പുരാന്റെ ഭഗവത് ഗീത പരിഭാഷ ആണ്. അതു പകര്‍പ്പവകാശ കാലാവധി കഴിഞ്ഞ ഒരു കൃതിയാണ്. അതിനെ വിക്കി സോര്‍സിലാക്കാന്‍ പദ്ധതി ഉണ്ട്‌.
ഇതിനോട് ചേര്‍ന്നു തന്നെ അദ്ധ്യാതമ രാമായണവും വിക്കി സോര്‍സിലാക്കുന്നുണ്ട്. അതിലും സഹകരിക്കാന്‍ താല്പര്യം ഉള്ളവര്‍ മെയിലയക്കുക.
ഒരേ ജോലി തന്നെ മൂന്നു നാലു ആള്‍ക്കാര്‍ ഒരേ സമയം ചെയ്യുന്നത് ഒഴിവാക്കുക എന്ന ഉദ്ദേശത്തോടെ ആണ് ഇങ്ങനത്തെ പണികള്‍ ചെയ്യുമ്പോള്‍ ഒരു ഏകോപനം ഉണ്ടാക്കാന്‍ ശ്രമിക്കുന്നത്. അതിനാലാണ് മെയിലയക്കാന്‍ അഭ്യര്‍ത്ഥിക്കുന്നത്.
മത ഗ്രന്ഥങ്ങള്‍ക്കു പുറമേയുള്ള ചില കൃതികളും വിക്കിസോര്‍സില്‍ ആക്കാന്‍ പദ്ധതി ഉണ്ട്‌. സഹകരിക്കാന്‍ താല്പര്യം ഉള്ളവര്‍ മെയിലയക്കുമല്ലോ.
വിക്കിസോര്‍സ് എന്താണെന്നു അറിയാത്തവര്‍ക്കായി.
പകര്‍പ്പവകാശ കാലാവധി കഴിഞ്ഞ കഴിഞ്ഞ അല്ലെങ്കില്‍ പകര്‍പ്പവകാശം ഇല്ലാത്ത അമൂല്യ ഗ്രന്ഥങ്ങള്‍ ഓണ്‍ലൈനില്‍ ആക്കി ഭാവി തലമുറയ്ക്കു വേണ്ടി സൂക്ഷിച്ചു വെക്കുന്ന ഒരു സംരഭം ആണ് വിക്കി സോര്‍സ്. ഇതു വിക്കിപീഡിയയില്‍ നിന്നു വ്യത്യസ്തമായ വേറെ ഒരു വിക്കി ആണ്.
Subscribe to:
Post Comments (Atom)
വളരെ നല്ല ഉദ്യമം ഷിജു. ആശംസകള്‍ എല്ലാവര്‍ക്കും
ReplyDeletegood, wishing u all success and we can expect a 100 book within a year. yes bloggers and wiki ians can work in harmony to achieve this. i really appreciate u and ur team
ReplyDeleteഇതിനു വേണ്ടി പ്രവര്‍ത്തിച്ചവര്‍ക്കെല്ലാവര്‍ക്കും വളരെ നന്ദി, നേരത്തെ പറഞ്ഞതു പോലെ തന്നെ പ്രവര്‍ത്തനങ്ങള്‍ക്ക് പ്രതീക്ഷിച്ചതിലും അധികം ഗുണമുണ്ടാവട്ടെ, അഭിനന്ദനങ്ങള്‍.
ReplyDelete