------------------------------------------------------------------------------------------------
പോര്‍ട്ടബിള്‍ ഡോക്കുമെന്റ്‌ ഫോര്മാറ്റ് (Portable document format) അഥവാ PDF പേരു സൂചിപ്പിക്കുന്നതു പോലെ portable and platform independant ആണ്‌. അതായത്‌ നിങ്ങള്‍ കമ്പ്യൂട്ടറില്‍ ഉണ്ടാക്കുന്ന ഒരു ഡോക്കുമെന്റ്‌ വെറെ ഏതു തരം കമ്പ്യൂട്ടറിലും, അതു എതു operting system ഉപയോഗിക്കുന്നതായാലും ഒരു PDF viewer ഉപയോഗിച്ച്‌ നിങ്ങള്‍ക്ക്‌ കാണാന്‍ പറ്റുന്നു. ഉദാഹരണത്തിന്‌ നിങ്ങളുടെ സുഹൃത്ത്‌ MAC കമ്പ്യൂട്ടര്‍ ഉപയോഗിച്ച്‌ ഉണ്ടാക്കിയ ഒരു ഡോക്കുമെന്റ്‌ PDF ആക്കി മാറ്റി അത്‌ IBM PC ഉപയോഗിക്കുന്ന നിങ്ങള്‍ക്ക്‌ അയച്ച്‌ തരുന്നു. നിങ്ങള്‍ക്ക്‌ ഒരു പ്രയാസവും കൂടാതെ എതെങ്കിലും ഒരു PDF viewer ഉപയോഗിച്ച്‌ (ഉദാ: Adobe Reader) വായിക്കാന്‍ പറ്റുന്നു. ഇന്ന്‌ PDF ഇല്ലാതെ നമുക്ക്‌ document exchange-നെ കുറിച്ച്‌ ചിന്തിക്കാന്‍ പോലും പറ്റില്ല. എന്നാല്‍ ഈ പദവി PDF ഒരു ദിവസം കൊണ്ടു നേടിയതല്ല.
PDF-ന്റെ ചരിത്രം
Adobeന്റെ സ്ഥാപകനായ ജോണ്‍ വാര്‍നോക്കിന്റെ paperless office എന്ന സ്വപ്ന പദ്ധതിയില്‍ ആണ്‌ PDFനെ കുറിച്ചുള്ള ആദ്യത്തെ ചിന്തകള്‍ ഉടലെടുക്കുന്നത്‌. ഇത്‌ ആദ്യം Adobeന്റെ ഒരു internal project ആയി ആണ്‌ തുടങ്ങിയത്‌. ഈ പ്രൊജെക്ടിനു Camelot എന്ന കോഡ്‌ നാമം ആണ്‌ കൊടുത്തത്‌. (ഇതു കൊണ്ടാണ്‌ കുറച്ച്‌ നാള്‍ മുന്‍പ്‌ വരെ MAC കമ്പ്യൂട്ടറില്‍ PDF-ന്‌ Camelot എന്ന് വിളിച്ചിരുന്നത്‌.) Camelot പ്രൊജെക്ടിനായി തയ്യാറാക്കിയ ലേഖനത്തില്‍ ജോണ്‍ വാര്‍നോക്ക്‌ ഇങ്ങനെ പറയുന്നു "Imagine being able to send full text and graphics documents (newspapers, magazine articles, technical manuals etc.) over electronic mail distribution networks. These documents could be viewed on any machine and any selected document could be printed locally. This capability would truly change the way information is managed.". (ഈ ലേഖനം ഇപ്പോള്‍ Camelot paper എന്ന പേരില്‍ പ്രശസ്തമാണ്‌. താല്‍പര്യം ഉള്ളവര്‍ ആ ലേഖനം വായിക്കാന്‍ ഇവിടെ ഞെക്കുക.)
Adobe ഈ പ്രൊജെക്ടിനെ കുറിച്ച്‌ ആലോചിക്കുന്ന സമയത്ത് തന്നെ അവരുടെ കൈവശം രണ്ട്‌ പേരെടുത്ത സോഫ്റ്റ്‌വെയറുകള്‍ ഉണ്ടായിരുന്നു. Post Script എന്ന device independant Page description langauage-ഉം, Adobe illustrator-ഉം ആണ്‌ അത്‌. Adobe illustrator ഉപയോഗിച്ച്‌ simple ആയ post script ഫയലുകള്‍ തുറന്ന്‌ നോക്കാന്‍ അന്ന്‌ കഴിയുമായിരുന്നു. Adobeല്‍ ഉള്ള എഞ്ചിനീയര്‍മാര്‍ ഈ രണ്ട്‌ സോഫ്റ്റ്‌വയറുകളുടേയും ടെക്‍നോളജി സംയോജിപ്പിച്ച്‌ PDF എന്ന പുതിയ file format-ഉം അത്‌ edit ചെയ്യാനും കാണാനും ഉള്ള ചില സൊഫ്റ്റ്‌വെയറുകളും വികസിപ്പിച്ചെടുത്തു.
അങ്ങനെ അവസാനം 1993 ജൂണില്‍ PDF file ഉണ്ടാക്കാന്‍ ഉപയോഗിക്കുന്ന Acrobat Exchange 1.0 (ഇതായിരുന്നു Adobe Acrobatന്റെ ആദ്യത്തെ പേര്) എന്ന സോഫ്റ്റ്‌വെയര്‍ Adobe വിപണിയില്‍ ഇറക്കി. ഈ വേര്‍ഷന്‍ Adobe വിചാരിച്ചത്ര വിജയിച്ചില്ല. കാരണം Adobeന്റെ തന്നെ post script അതിലും നന്നായി document exchange-നു ഉപയോഗിക്കുന്നുണ്ടായിരുന്നു.
File format-കളുടെ മത്സരം
PDF 1990-കളുടെ ആദ്യം പുറത്തു വന്ന സമയത്ത് Acrobat Exchange-ഉം, Acrobat Distiller-ഉം മാത്രമായിരുന്നു PDF ഉണ്ടാക്കാന്‍ പറ്റുന്ന സോഫ്റ്റ്‌വെയറുകള്‍. മാത്രമല്ല Acrobat Exchange-ന്‌ അതി ഭീമമായ 2500 $ Adobe ഈടാക്കി (15 വര്‍ഷങ്ങള്‍ക്ക്‌ മുന്‍പാണ്‌ അത്രയും വില ഈടാക്കിയത്‌ എന്ന് ഓര്‍ക്കണം. ഇന്ന്‌ അതിന്റെ വില 450 $ മാത്രമാണ്‌). PDF file കാണാന്‍ ഉപയോഗിക്കുന്ന Acrobat Reader-ന്‌ 50 $-ഉം Adobe ഈടാക്കി (ഇന്ന്‌ ഈ സോഫ്റ്റ്‌വെയര്‍ free ആണ്‌ എന്ന് ഓര്‍ക്കണം). ഇതിനൊക്കെ പുറമേ മറ്റു സമാന file format-കളായ Common ground Digital paper, Envoy, DjVu എന്നിവയോടൊക്കെ PDF-ന്‌ മത്സരിക്കേണ്ടി വന്നു. ഈ കാരണങ്ങള്‍ ഒക്കെ കൊണ്ട്‌ PDF ആദ്യമായി പുറത്തു സമയത്ത് അത്‌ Adobe വിചാരിച്ച പോലെ വിജയിച്ചില്ല. പക്ഷെ ഈ വേര്‍ഷനില്‍ തന്നെ font embedding, hyperlinks, bookmark തുടങ്ങി ഒട്ടേറെ പ്രത്യേകതകള്‍ ഉണ്ടായിരുന്നു.
കുറച്ച്‌ നാളുകള്‍ക്ക്‌ ശേഷം Adobe, Acrobat Exchange-ന്റെ വില കുറയ്ക്കുകയും Acrobat Reader പൈസയൊന്നും വാങ്ങിക്കാതെ കൊടുക്കാനും തുടങ്ങി. സാവധാനം PDF കമ്പ്യൂട്ടര്‍ ലോകത്തിന്റെ ശ്രദ്ധ നേടാന്‍ തുടങ്ങി. തുടര്‍ന്നുള്ള വര്‍ഷങ്ങളില്‍ Adobe PDF-ന്റെ specifications കൂടുതല്‍ കൂടുതല്‍ നന്നാക്കുകയും പുതിയ versions ഇറക്കുകയും ചെയ്തു. Acrobat version 3.0-ഓടു കൂടി അന്ന്‌ Document exchange ഏറ്റവും കൂടുതല്‍ നടന്നു കൊണ്ടിരുന്ന type setting/prepress industry-യുടെ ശ്രദ്ധ നേടാന്‍ PDF-നായി. അതോടു കൂടി PDF-ന്റെ പ്രചാരം കുതിച്ചുയര്‍ന്നു. പിന്നീടുള്ള വര്‍ഷങ്ങളില്‍ Adobe, PDF-ന്റെ technology കൂടുതല്‍ നന്നാക്കുകയും കൂടുതല്‍ features കൂട്ടിചേര്‍ത്ത്‌ പുതിയ versions പുറത്തിറക്കുകയും ചെയ്തു. 2004-ല്‍ പുറത്തിറക്കിയ Acrobat 7.0 ആണ്‌ ഏറ്റവും പുതിയ release. 2006-ല്‍ Acrobat 3D എന്ന സോഫ്റ്റ്‌വെയറും പുറത്തിറക്കി. (Acrobat 3D -യെ കുറിച്ച്‌ പിന്നീട്‌ വിശദീകരിക്കാം.)
Adobeന്റെ തന്ത്രം
സാധാരണ ഒരു സോഫ്റ്റ്‌വെയര്‍ കമ്പനി ഒരു file format കണ്ടു പിടിച്ച്‌ അത്‌ release ചെയ്യുമ്പോള്‍ അതിന്റെ ഉള്ളറ രഹസ്യങ്ങള്‍ (internal specifications) രഹസ്യമാക്കിവയ്ക്കുകയാണ്‌ പതിവ്‌. എന്നാല്‍ Adobe ഇക്കാര്യത്തില്‍ ധീരമായ ഒരു തീരുമാനം എടുത്തു. അവര്‍ PDF-ന്റെ specifications എല്ലാം പുറത്തു വിട്ടു. മാത്രമല്ല ചില മാര്‍ഗ്ഗനിര്‍ദ്ദേശങ്ങള്‍ക്കുള്ളില്‍ നിന്ന്‌ ആര്‍ക്കും PDF ഫയലുകള്‍ കാണാനും, നിര്‍മ്മിക്കാനും, മാറ്റങ്ങള്‍ വരുത്തുവാനും കഴിയുന്ന സോഫ്റ്റ്‌വെയറുകള്‍ ഉണ്ടാക്കാന്‍ അനുമതി നല്‍കി. അതോടു കൂടി PDF-ന്റെ ജനപ്രീതി പതിന്മടങ്ങ്‌ വര്‍ദ്ധിച്ചു. വേറെ ഏതെങ്കിലും സോഫ്റ്റ്‌വെയര്‍ കമ്പനി (ഉദാ: മൈക്രോസൊഫ്റ്റ്‌) ആയിരുന്നു എങ്കില്‍ ഇങ്ങനെ ഒരു തീരുമാനം എടുക്കുമായിരുന്നോ?
Adobe-ന്റെ ഈ ഒറ്റ തീരുമാനം മൂലമാണ്‌ ഇന്ന്‌ Adobe-ന്റെ PDF സോഫ്റ്റ്‌വേയറുകള്‍ ആയ Adobe Acrobat-ഓ Acrobat Distiller-ഓ ഒന്നും ഇല്ലെങ്കിലും നിങ്ങള്‍ക്ക്‌ PDF file-കള്‍ ഉണ്ടാക്കാന്‍ പറ്റുന്നത്‌. ഈ തീരുമാനത്തോടു കൂടി വളരെയധികം സൊഫ്റ്റ്‌വെയര്‍ കമ്പനികള്‍ അവരുടേതായ PDF സോഫ്റ്റ്‌വെയറുകള്‍ പുറത്തു വിട്ടു. Open Source community-യും അവരുടേതായ free PDF സൊഫ്റ്റ്‌വെയറുകള്‍ പുറത്തു വിട്ടു. അതോടുകൂടി അഞ്ച്‌ പൈസ ചെലവില്ലാതെ PDF ഫയലുകള്‍ ഉണ്ടാക്കാം എന്നായി. കുറച്ച്‌ നാള്‍ മുന്‍പ്‌ അരവിന്ദന്റെ മൊത്തം ചില്ലറ എന്ന സൈറ്റിലെ ബ്ലൊഗുകള്‍ എല്ലാം കൂടി സിബു ചേട്ടന്‍ നമുക്ക്‌ ഒരു PDF ആക്കി തരിക ഉണ്ടായി. കിട്ടിയിട്ടില്ലാത്തവര്‍ ഈ ലിങ്കില്‍ ഞെക്കി File>Save കൊടുത്ത്‌ ഇതു നിങ്ങളുടെ കമ്പ്യൂട്ടറില്‍ download ചെയ്തു വായിക്കുക. ഈ PDF file Ghost Script എന്ന സൌജന്യ സോഫ്റ്റ്‌വെയര്‍ ഉപയോഗിച്ച്‌ ഉണ്ടാക്കിയതാണ്‌. എന്നാല്‍ കൊടകര പുരാണത്തിന്റെ ഈ PDF file Adobe Acrobat ഉപയോഗിച്ച്‌ ഉണ്ടാക്കിയതാണ്‌.
നൂറ്‌ കണക്കിന്‌ സൌജന്യ PDF സോഫ്റ്റ്‌വയറുകള്‍ മാര്‍ക്കറ്റില്‍ ലഭ്യമാണെങ്കിലും ഇന്നും Quality PDF file ഉണ്ടാക്കണമെങ്കില്‍ Adobe Acrobat തന്നെ വേണം. ഇന്നും PDF file-ന്റെ specifications തീരുമാനിക്കുന്നത്‌ Adobe ആണ്‌. Adobe-ന്റെ ഈ തന്ത്രം PDFനെ മറ്റു file formatകളില്‍ നിന്ന്‌ ബഹുദൂരം മുന്നിലെത്തിച്ചു.
എന്തുകൊണ്ട്‌ ഇത്രയധികം PDF
ഇനി എന്തുകൊണ്ടാണ്‌ നിങ്ങള്‍ക്ക്‌ ഇത്രയധികം PDF file-നെ അഭിമുഖീകരിക്കേണ്ടി വരുന്നതെന്നു നോക്കാം. മറ്റുള്ള ഏതു file format-ല്‍ നിന്നും convert ചെയ്യാന്‍ പറ്റുന്ന ഒരു common file format ആണ്‌ PDF. കുറച്ചുകൂടി കൃത്യമായി പറഞ്ഞാല്‍ print ചെയ്യാന്‍ പറ്റുന്ന ഏതു file-ഉം PDF ആക്കി മാറ്റാം. പക്ഷേ interactive PDF വേണമെങ്കില്‍ Special programs വേണം. ഇതിനെകുറിച്ച്‌ അടുത്ത ഭാഗത്തില്‍ വിശദീകരിക്കാം.
മുകളില്‍ പറഞ്ഞത്‌ കുറച്ചുകൂടി വിശദീകരിച്ച്‌ പറഞ്ഞാല്‍ നിങ്ങള്‍ ജോലി ചെയ്യുന്ന authoring application, MSWord, OpenOffice Word, Adobe PageMaker, FrameMaker, Indesign, CorelDraw, QuarkExpress, Advent 3B2, LaTeX, AutoCAD തുടങ്ങി എന്തുമാകട്ടെ നിങ്ങളുടെ final output PDF ആയിരിക്കും. അതായത്‌ PDF ആക്കി മാറ്റിയതിന്‌ ശേഷമാണ്‌ document exchange നടക്കുന്നത്‌. ഈ ഒറ്റ കാരണം കൊണ്ടാണ്‌ നിങ്ങള്‍ക്ക്‌ ഇത്രയധികം PDF-നെ അഭിമുഖീകരിക്കേണ്ടി വരുന്നത്‌.
(തുടരും)
ഇതാ PDF-നെ കുറിച്ചുള്ള ലേഖനത്തിന്റെ രണ്ടാം ഭാഗം. ഭാഷയില്‍ തെറ്റുകള്‍ ഉണ്ടാവാം (ഉമേഷ്ജി മാപ്പ്‌). അത്‌ ചൂണ്ടികാണിക്കുമല്ലോ.
ReplyDeleteനന്ദി ഷിജു.
ReplyDeleteഇനിയും എന്തെല്ലാമോ അറിയാനുള്ളതുപോലെ.
ബാക്കി കൂടി എഴുതൂ.
കാത്തിരിക്കുന്നു
ഷിജു ഉവാച :
ReplyDeleteനൂറ്‌ കണക്കിന്‌ സൌജന്യ PDF സോഫ്റ്റ്‌വയറുകള്‍ മാര്‍ക്കറ്റില്‍ ലഭ്യമാണെങ്കിലും ഇന്നും Quality PDF file ഉണ്ടാക്കണമെങ്കില്‍ Adobe Acrobat തന്നെ വേണം.
ഇവിടെ നോക്കൂ ഷിജു. LaTeX ഉപയോഗിച്ചു നിര്‍മ്മിച്ചതാണു്. pdflatex വഴി നേരെയോ LaTeX->dvi->postscript->ps2pdf വഴിയോ LaTeX-ല്‍ നിന്നു PDF ഉണ്ടാക്കാം. കുറ്റങ്ങളൊന്നും ഞാന്‍ ഇതുവരെ കണ്ടിട്ടില്ല.
ഒരു സംശയം കൂടി. പോസ്റ്റ്സ്ക്രിപ്റ്റിനെ അപേക്ഷിച്ചു PDF-നു മെച്ചമെന്താണു്, വലിപ്പം കുറയും എന്നതൊഴിച്ചാല്‍?
വളരെ ഇന്ററസ്റ്റിങ്ങ് ആയ ലേഖനം. ബാക്കി കൂടി പ്രതീക്ഷിക്കുന്നു. പിന്നെ ഉമേശിന്റെ ചോദ്യത്തിനുത്തരവും...
ReplyDeleteലേഖനം ഭംഗിയാകുന്നു.
ReplyDeleteഒരു തിരുത്ത് പറഞ്ഞോട്ടെ: മൈക്രോസോഫ്റ്റ് ഓഫീസ് ഫയല്‍ ഫോര്മാറ്റ് ‘അവൈലബ്‍ള്‍ ഓണ്‍ റിക്വസ്റ്റ്’ ആയിരുന്നു, മുമ്പ് (ബൈനറി ഫയല്‍ ഫോര്മാറ്റ്). ഇപ്പോള്‍, പുതിയ വേര്‍ഷന്‍ മുതല്‍ (XML) ഫ്രീ ആയി ഡൌണ്‍ലോഡ് ചെയ്യാം.
മൈക്രോസോഫ്റ്റ് ഓഫീസിന്റെ പുതിയ വേര്‍ഷനില്‍ (ഓഫീസ് 12) വേര്‍ഡില്‍ നിന്നും നേരിട്ടു് പീ.ഡി.എഫ് ഫയലുകള്‍ സൃഷ്ടിക്കുവാന്‍ കഴിയുമായിരുന്നു. ഈ ഫീച്ചറിന്റെ പേരില്‍ അഡോബീ, മൈക്രോസോഫ്റ്റിനെ സ്യൂ ചെയ്യുവാന്‍ ശ്രമിക്കുന്നെന്നാണു് അവസാനമായി വായിച്ച പീഡീഎഫ് വിശേഷം. സന്തോഷ് സൂചിപ്പിച്ച ഓഫീസിന്റെ ഓപ്പണ്‍ സോഴ്സ് എക്സ്.എം.എല്‍ ഫോര്‍മാറ്റും മൈക്രോസോഫ്റ്റിന്റെ “മെട്രോ” എന്നു പേരിലുള്ള പീ.ഡി.എഫ് പകരക്കാരനും മാര്‍ക്കറ്റില്‍ ചലനങ്ങളുണ്ടാക്കുമെന്നു പലരും കരുതുന്നു.
ReplyDeleteഇന്നു വന്ന്‌ ബ്ലോഗ്‌ വായിച്ചപ്പോള്‍ അല്‍ഭുതപ്പെട്ടു പോയി. ആരൊക്കെയാണ്‌ വന്ന്‌ പിന്മൊഴി ഇട്ടിരിക്കുന്നത്‌. വളരെ സന്തോഷം തോന്നി. അതിനൊപ്പം പേടിയും ഇവരൊക്കെ ചോദിച്ച ചോദ്യത്തിനു ഉത്തരം കൊടുക്കേണ്ടേ? ചോദ്യത്തിനൊക്കെ ഉത്തരം തരുന്നതിനു മുന്‍പ്‌ ഒരു കാര്യം വ്യക്തമാക്കട്ടെ. ഞാന്‍ Adobe Acrobat, PDF, Acrobat Plug-ins എന്നിവയിലൊക്കെ നേടിയ അറിവ്‌ കൂടുതലും സ്വയം പഠിച്ചതും പിന്നെ പ്രവര്‍ത്തന പരിചയം കൊണ്ടും നേടിയതാണ്‌. അത്‌ കൊണ്ട്‌ എന്തെങ്കിലും തെറ്റുണ്ടെങ്കില്‍ ചൂണ്ടികാണിക്കണം.
ReplyDeleteഇനി ഒരോരുത്തരുടെ ചോദ്യത്തിനുള്ള ഉത്തരം.
ഉമേഷ്ജി ബ്ലൊഗ്‌ സന്ദര്‍ശിച്ചതിനു നന്ദി.
Adobe Acrobat-ഉം മറ്റ്‌ സൌജന്യ സൊഫ്റ്റ്‌വെയറുകളും നിര്‍മ്മിക്കുന്ന PDFകള്‍ തമ്മിലുള്ള വ്യത്യാസം നമുക്ക്‌ മനസ്സിലാകുന്നത്‌ interactive PDF വേണ്ടി വരുമ്പോള്‍ ആണ്‌. വെറും desktop printing or viewing-ഉം വേണ്ടി മാത്രമാണ്‌ PDF തയ്യാറാക്കുന്നത്‌ എങ്കില്‍ സൌജന്യ സൊഫ്റ്റ്‌വെയറുകള്‍ ധാരാളം മതി. ഞാന്‍ അടുത്ത ഭാഗത്ത്‌ (ഭാഗം III) PDF സോഫ്റ്റ്‌വെയറുകളെകുറിച്ച്‌ കൂടുതല്‍ വിവരിക്കുന്നുണ്ട്‌. അപ്പൊള്‍ ഒരു പരിധി വരെ ഉമേഷ്ജിയുടെ ചോദ്യത്തിനു ഉത്തരമാകും .
ഇനി രണ്ടാമത്തെ ചോദ്യത്തിനുള്ള ഉത്തരം. PDF ഒരിക്കലും post script-ന്‌ replacement അല്ല. ഇന്നും PDF ഉണ്ടാക്കുന്നത്‌ post script technlogy ഉപയോഗിച്ചാണ്‌. ഞാന്‍ ഇതു ലേഖനത്തില്‍ സൂചിപ്പിച്ചിരുന്നു.
Adobe ഈ പ്രൊജെക്ടിനെ കുറിച്ച്‌ ആലോചിക്കുന്ന സമയത്ത് തന്നെ അവരുടെ കൈവശം രണ്ട്‌ പേരെടുത്ത സോഫ്റ്റ്‌വെയറുകള്‍ ഉണ്ടായിരുന്നു. Post Script എന്ന device independant Page description langauage-ഉം, Adobe illustrator-ഉം ആണ്‌ അത്‌. Adobe illustrator ഉപയോഗിച്ച്‌ simple ആയ post script ഫയലുകള്‍ തുറന്ന്‌ നോക്കാന്‍ അന്ന്‌ കഴിയുമായിരുന്നു. Adobeല്‍ ഉള്ള എഞ്ചിനീയര്‍മാര്‍ ഈ രണ്ട്‌ സോഫ്റ്റ്‌വയറുകളുടേയും ടെക്‍നോളജി സംയോജിപ്പിച്ച്‌ PDF എന്ന പുതിയ file format-ഉം അത്‌ edit ചെയ്യാനും കാണാനും ഉള്ള ചില സൊഫ്റ്റ്‌വെയറുകളും വികസിപ്പിച്ചെടുത്തു.
ഇതില്‍ കൂടുതല്‍ ഇതു സാങ്കേതിക പദങ്ങള്‍ ഉപയോഗിച്ച്‌ വിവരിച്ചാല്‍ എല്ലാവര്‍ക്കും മനസിലാകാതെ വരും. കാരണം ഇപ്പോള്‍ ഈ ബ്ലോഗിന്റെ audience-ല്‍ കേരളത്തിലെ കര്‍ഷകന്‍ തൊട്ട്‌ അമേരിക്കയില്‍ microsoft-ല്‍ പണി എടുക്കുന്ന എഞ്ചിനീയര്‍ വരെ ഉണ്ട്‌. ഏല്ലവര്‍ക്കും ഇതു മനസ്സിലാകണം എന്ന ആഗ്രഹം എനിക്ക് ഉണ്ട്‌.
ഇനി post script-നെ അപേക്ഷിച്ച്‌ PDFനുള്ള മെച്ചവും വ്യത്യാസവും ഞാന്‍ താഴെ ഒട്ടിക്കുന്നു. ഇതു തര്‍ജ്ജിമ ചെയ്യാന്‍ നിന്നാല്‍ എന്റെ നടുവൊടിയും.
How PDF differs from PostScript:
• Both are page description languages (and are based on the same imaging model), but PDF can also express some of the structure of a document.
• PDF files tend to be considerably smaller than PS.
• PDF has features for interactive viewing absent from PS.
• PDF documents can include hyperlinks and hypertext objects.
• Navigating in a PDF file is fast (PostScript files are linear, while PDF uses a file structure which facilitates random access).
• PDF files can be byte served over the web (so you don't have to wait for the whole file to download before you can start reading it)
• PDF contains information such as font metrics for viewing fidelity, and has features such as font embedding useful for archiving documents.
• PDF files are resolution-independent, which allows for things like scaling a page to the screen without losing the clarity of text or graphics (e.g., the magnification features in Acrobat Reader).
• The Acrobat PDF Reader is freely available for Mac, Windows, and Unix; good PostScript viewers for Mac and Windows are hard to find.
• PDF files can't be downloaded directly to a PostScript printer (when you print a PDF file from Acrobat Reader, the program first converts the PDF file to PostScript for downloading).
• Moreover to render postscript you must know postscript programming.
ഇതു കുറേനാള്‍ മുന്‍പ്‌ PDF-നെ കുറിച്ച്‌ പഠിച്ചപ്പോള്‍ ഏതോ സൈറ്റില്‍ നിന്ന്‌ കിട്ടിയതാണ്‌.
പാപ്പാന്‍ സാര്‍, ബ്ലൊഗ്‌ സന്ദര്‍ശിച്ചതിനു നന്ദി. ചോദ്യത്തിനുള്ള ഉത്തരം മുകളില്‍ കൊടുത്തിട്ടുണ്ട്‌.
സന്തോഷേട്ടാ ബ്ലൊഗ്‌ സന്ദര്‍ശിച്ചതിനു നന്ദി.
Microsoft office file format-നെ കുറിച്ച്‌ ഞാന്‍ കേട്ടിട്ടുണ്ട്‌. പക്ഷേ കൂടുതല്‍ അറിയില്ല. അതിനാല്‍ ഇപ്പോള്‍ അഭിപ്രായം പറയാന്‍ ഞാന്‍ ആളല്ല.
പെരിങ്ങോടന്‍,
metro-യെ കുറിച്ച്‌ ഞാന്‍ നാലാമത്തെ ഭാഗത്ത്‌ സൂചിപ്പിക്കുന്നുണ്ട്‌ അപ്പോള്‍ നമുക്ക്‌ കൂടുതല്‍ ചര്‍ച്ച ചെയ്യാം.
Office 12 and PDF- നെ കുറിച്ചും ആ ഭാഗത്ത്‌ പ്രതിപാദിക്കാം.
കൊള്ളാം ഷിജൂ. കയ്യിലുള്ള അറിവു മടികൂടാതെ പകര്‍ന്നു നല്‍കുന്നതിനു നന്ദി.
ReplyDeleteവളരെ നല്ല ലേഖനം, ഷിജൂ. അഡോബീ (ഇതിനെ അഡോബ് എന്നു വിളിക്കുന്നതായിരുന്നു എനിക്ക് കേള്‍ക്കാന്‍ ഒന്നുകൂടി സുഖം തരുന്നത്-അതുപോലെ സ്കൈപ്പ് എന്നുള്ള വിളിയും) അഡോബീ എന്ന് പറഞ്ഞുനടന്നതല്ലാതെ അതിലെ ഉള്ളുകള്ളികളൊന്നും അറിയില്ലായിരുന്നു. ഫോട്ടോഷോപ്പ് തുറന്നു വരുന്ന സമയത്ത് ഒരു സീതാ നാരായണിന്റെ പേര് അതില്‍ തെളിഞ്ഞുവരുമായിരുന്നു. ഇപ്പോഴും ഉണ്ടോ ആവോ. അക്രോബാറ്റ് ഇത്രയ്ക്ക് കേമനാണെന്നൊക്കെ ഷിജുവഴിയാണ് അറിയുന്നത്. അതിലെ ബാക്കി കാര്യങ്ങളും കൂടി പോരട്ടെ.
ReplyDeleteഇങ്ങിനത്തെ അറിവുകള്‍ മറ്റുള്ളവരുമായി പങ്കുവെയ്ക്കുന്നത് വളരെ നല്ല കാര്യം തന്നെ. നന്ദി.
വക്കാരീ, അഡോബിയുടെ Premiere Pro യുടെ നല്ലൊരുപങ്ക് ഇന്ത്യാ ഡെവലപ്മെന്‍റ് സെന്‍ററാണ് ഡെവലപ്പ് ചെയ്തത്. ആ ടീമുമായി സഹകരിച്ചു പ്രവര്‍ത്തിക്കാന്‍ എനിക്ക് അവസരമുണ്ടായിട്ടുണ്ട്. Premiere Pro തുറന്നുവരുമ്പോള്‍ കുറെ ഇന്ത്യന്‍ നാമങ്ങള്‍ കണ്ടാല്‍ അത്ഭുതപ്പെടേണ്ട.
ReplyDeleteഉമേഷ് ചേട്ടാ സാഷ്ടംഗ പ്രണാമം.
ReplyDeleteചേട്ടന്‍ തന്ന ലിങ്കില്‍ ഉള്ള PDF file തുറന്ന്‌ വായിച്ച്‌ അല്‍ഭുതപ്പെട്ടിരിക്കുകയാണ്‌ ഞാന്‍. എത്ര മനോഹരം ആയ സമാഹാരം ആണ്‌ അത്‌. ഇത്‌ കമ്പോസ്‌ ചെയ്യാന്‍ എന്തുമാത്രം ബുദ്ധിമുട്ടികാണും.
വ്രത്തതിന്റെ ലക്ഷണങ്ങള്‍ ഒക്കെ സ്കൂള്‍ വിട്ടതിനു ശേഷം ഒന്നും കൂടി ഓര്‍മ്മിച്ചെടുക്കാന്‍ ആയി. ഇത്‌ എന്റെ ഒരു പ്രിയപ്പെട്ട സമാഹരം ആയി മാറി കഴിഞ്ഞു. ഈ file-ല്‍ ഞാന്‍ എന്തിനാ കുറ്റം കണ്ടു പിടിക്കുന്നത്‌? അതിന്റെ ഉള്ളടക്കതിനല്ലേ പ്രധാന്യം.
entries ഒന്നും hyperlinked അല്ല എന്നു വേണമെങ്കില്‍ പറയാം. ഇത്രയും അധികം പേജ്‌ ഉള്ള PDF file ആകുമ്പോള്‍ entries hyperlinked ആയിരുന്നെങ്കില്‍ Navigation കുറച്ച്‌ എളുപ്പമാകുമായിരുന്നു. പ്രിന്റിങ്ങ്‌-നാണെങ്കില്‍ ഇതു ധാരാളം. Online വായനക്ക്‌ hyperlink ഉപകാരപ്പെടും.
പക്ഷെ അതൊന്നും സാരമില്ല. അതിന്റെ ഉള്ളടക്കം ആണ്‌ പ്രധാനം. ഇങ്ങനെ ഒന്ന്‌ കമ്പോസ്‌ ചെയ്യാന്‍ ഉമേഷട്ടന്‍ ചിലവാക്കിയ പ്രയത്നം എനിക്ക് മനസ്സിലാകും. അതിനു പ്രത്യേകം നന്ദി.
LaTeX ഉപയോഗിച്ചു ഹൈപ്പര്‍‌ലിങ്കുകളും ഉണ്ടാക്കാം. ചില ഇംഗ്ലീഷ് ഡോക്യുമെന്റുകള്‍ എന്റെ കയ്യിലുണ്ടു്. കമ്പനിയുടെ ഡോക്യുമെന്റ്സ് ആയിപ്പോയി. ഹൈപ്പര്‍‌ലിങ്കുകളുള്ള ഒരു ഡൊക്യുമെന്റ് ഉണ്ടാക്കി കാണിച്ചുതരാം.
ReplyDeleteതാര, മന്‍ജിത്‌, വക്കാരി,
ReplyDeleteഎല്ലാവര്‍ക്കും ബ്ലോഗ്‌ സന്ദര്‍ശിച്ചതിനും അഭിപ്രായം രേഖപ്പെടുത്തിയതിനും നന്ദി.
ഉമേഷ് ചേട്ടാ ,
ReplyDeleteLaTeX ഉപയോഗിച്ച്‌ ഉണ്ടാക്കുന്ന file-ല്‍ hyperlink-കള്‍ ഇടാം എന്ന് അറിയാം. പക്ഷേ ഉമേഷ് ചേട്ടന്‍ തന്ന ആ file-ല്‍ hyperlink ഇല്ല എന്നാണ്‌ ഞാന്‍ പറഞ്ഞത്‌. LaTeX-ല്‍ എന്തായാലും ഞാന്‍ ഇതു വരെ ഒരു document ഉണ്ടാക്കിയിട്ടില്ല. ഇനി അതൊന്ന്‌ ശ്രമിക്കണം. ഉമേഷ് ചേട്ടന്റെ കൈയ്യില്‍ LateX പഠിക്കാനുള്ള എന്തെങ്കിലും help/tutorials ഉണ്ടോ?
ഷിജു, ഒരു തുടക്കം എന്ന നിലക്ക്‌lyx ഉപയോഗിക്കവുന്നതാണു എന്നു തോന്നുന്നു. ഞാന്‍ കുറെ കാലമായി അതാണു ഉപയോഗിക്കുന്നത്. ബാക്ക്ഗ്രൌണ്ടില്‍ ലാറ്റക്സ്‌ തന്നെയാനു ഉപയോഗിക്കുന്നത്. ഇപ്പോള്‍ windows വേര്‍ഷനും ലഭ്യമാണു. http://www.lyx.org/
ReplyDeleteപെരിങ്ങോടന്‍,
ReplyDeleteAdobe-ന്റെ microsoft-നെതിരെയുള്ള കേസും ആ സംഭവത്തെകുറിച്ചുല്ല നല്ല ഒരു discussion-നും നടന്ന ഒരു microsoft employee-യുടെ ബ്ലൊഗ്‌ ഉണ്ട്‌. ഞാന്‍ കുറെനാള്‍ ഈ ചര്‍ച്ച താല്‍പര്യത്തോടെ വായിക്കുമായിരുന്നു. അതിലേകുള്ള ലിങ്ക്‌ ഇതാ.