Showing posts with label മലയാളം വിക്കിഗ്രന്ഥശാല. Show all posts
Showing posts with label മലയാളം വിക്കിഗ്രന്ഥശാല. Show all posts

11 October, 2010

ചങ്ങമ്പുഴ കവിതകൾ - സഹായ അഭ്യർത്ഥന

ഇന്ന് ഒക്ടോബർ 11. ചെറിയ ഒരു കാലയളവിൽ  (37 വയസ്സ് വരെ മാത്രം) കേരളനാട്ടിൽ ജീവിച്ച് വലിയ സമ്പാദ്യം പിൻ‌തലമുറയ്ക്കായി കരുതി വെച്ചേച്ച് പോയ ചങ്ങമ്പുഴ എന്ന ചുരുക്കപ്പേരിൽ അറിയപ്പെടുന്ന  ചങ്ങമ്പുഴ കൃഷ്ണപിള്ള എന്ന മഹാകവിയുടെ ജന്മദിനവാർഷികം ആണിന്ന്.  പക്ഷെ ഈ വർഷത്തെ ജന്മദിനത്തിനു് വേറൊരു പ്രത്യേകത കൂടെ ഉണ്ടു്. ഈ വർഷം ചങ്ങമ്പുഴ കൃഷ്ണപിള്ളയുടെ 100-ആം ജന്മദിനവാർഷികം ആണു്.







ചിത്രത്തിനു് കടപ്പാട്: മലയാളം വിക്കിഉപയോക്താവായ Sreedharantp.

കഴിഞ്ഞ വർഷം ചങ്ങമ്പുഴയുടെ കൃതികൾ മൊത്തമായി മലയാളം വിക്കിഗ്രന്ഥശാലയിൽ ആക്കുന്ന ഒരു പദ്ധതിക്കു് രൂപം കൊടുത്തിരുന്നു. മലയാളം വിക്കിഗ്രന്ഥശാല ഉപയോക്തവായ വിശ്വപ്രഭ തന്റെ ശേഖരത്തിൽ നിന്നു് മലയാളം വിക്കിഗ്രന്ഥശാലയ്ക്ക് തന്ന ചങ്ങമ്പുഴ കൃതികളുടെ ഡിജിറ്റൽ പ്രമാണം മറ്റൊരു വിക്കി ഉപയോകതാവായ സാദിക്ക് ഖാലിദ് യൂണിക്കോഡിലാക്കി. മലയാളം വിക്കിഗ്രന്ഥശാല പ്രവർത്തകനായ തച്ചന്റെ മകൻ മുൻ‌കൈ എടുത്ത് ആ ഫയലിലുണ്ടായിരുന്ന ചങ്ങമ്പുഴ കവിതകൾ മുഴുവനും വിക്കിഗ്രന്ഥശാലയിൽ ആക്കി. ഇതു വരെ വിക്കിഗ്രന്ഥസാലയിൽ ആക്കിയ ചങ്ങമ്പുഴ കവിതകൾ എല്ലാം കൂടി ഈ താളിൽ സമാഹരിച്ചിട്ടുണ്ടു്. ചങ്ങമ്പുഴ കൃഷ്ണപിള്ള

പക്ഷെ നിങ്ങളിൽ പലർക്കും അറിയുന്ന പോലെ 37 വർഷമെ ജീവിച്ചുള്ളൂ എങ്കിലും, ചങ്ങമ്പുഴ കൃഷ്ണപിള്ള രചിച്ച കൃതികൾ നൂറുകണക്കിനാണു്. അതിനാൽ തന്നെ നമ്മൾക്ക് കിട്ടിയ ഡിജിറ്റൽ പ്രമാണം പൂർണ്ണമല്ലായിരുന്നു. നിരവധി നാളത്തെ പ്രയത്നത്തിലൂടെ ആ ഡിജിറ്റൽ പ്രമാണം മൊത്തം വിക്കിയിലാക്കിയെങ്കിലും, ഇനിയും നിരവധി   കൃതികൾ കിട്ടാനുണ്ടു്. ചങ്ങമ്പുഴ കൃഷ്ണപിള്ള എന്ന താളിൽ ചുവന്നു് കിടക്കുന്ന കണ്ണികൾ ആയി കാണുന്ന രചനകളൊക്കെ ഡിജിറ്റൽ പ്രമാണം  ലഭ്യമല്ലാത്ത രചനകളാണു്. (വിശദമായ വിവരം താഴെ കൊടുത്തിരിക്കുന്നു)

താഴെ കാണുന്ന ചങ്ങമ്പുഴ കൃതികളിൽ ഏതെങ്കിലും ഏതെങ്കിലും വിധത്തിലുള്ള ഡിജിറ്റൽ രൂപത്തിൽ (പി.ഡി.എഫ്, ആസ്കി പ്രമാണങ്ങൾ, യൂണിക്കോഡ് രൂപത്തിൽ അങ്ങനെ എന്തും) ആരുടെയെങ്കിലും കൈയ്യിലുണ്ടെങ്കിൽ (അല്ലെങ്കിൽ സംഘടിപ്പിച്ചു തരാൻ പറ്റുമെങ്കിൽ) അത് എന്റെ മെയിൽ വിലാസത്തിലേക്ക് (shijualexonline@gmail.com) അയച്ചു തരാൻ താല്പര്യപ്പെടുന്നു. ഈ വിഷയത്തിൽ സഹായിക്കാൻ കഴിയുന്നവർ സഹകരിച്ചാൽ ഈ മാസം തന്നെ നമുക്ക് ചങ്ങമ്പുഴ കൃതികൾ സമ്പൂർണ്ണമായി വിക്കിഗ്രന്ഥശാലയിൽ ആക്കാം. എല്ലാവരുടേയും സഹായം അഭ്യർത്ഥിക്കുന്നു.

ഡിജിറ്റൽ പ്രമാണം ലഭ്യമല്ലാത്ത കൃതികൾ താഴെ പറയുന്നു.

ഇനി കിട്ടാനുള്ള കൃതികൾ

ഖണ്ഡകാവ്യങ്ങൾ

സുധാംഗദ (1937)

കവിതാസമാഹാരങ്ങൾ





അസമാഹൃതരചനകൾ

പേരിടാത്ത കവിതകൾ

ഗദ്യകൃതികൾ

നോവൽ

നാടകം

ആത്മകഥ

ചെറുകഥ

Posted by at 1 comment:
Labels:

02 August, 2008

കുമാരനാശാന്റെ കവിതകളും മലയാളം വിക്കിഗ്രന്ഥശാലയും

കഴിഞ്ഞകാലത്തിലെ അമൂല്യഗ്രന്ഥങ്ങള്‍ ശേഖരിക്കുന്ന വിക്കിയാണ് മലയാളംവിക്കിഗ്രന്ഥശാല (http://ml.wikisource.org) എന്നു എല്ലാവര്‍ക്കും അറിയാമല്ലോ. പകര്‍പ്പവകാശ പരിധിയില്‍ വരാത്ത പ്രാചീന കൃതികള്‍ (ഉദാ: ബൈബിള്‍, വേദങ്ങള്‍..), പകര്‍പ്പവകാശ കാലാവധി കഴിഞ്ഞ കൃതികള്‍ (ഉദാ: കേരളപാണിനീയം, ആശാന്‍ കവിതകള്‍), പകര്‍പ്പവകാശത്തിന്റെ അവകാശി പൊതുസഞ്ചയത്തിലാക്കിയ കൃതികള്‍ എന്നിങ്ങനെ മൂന്നു തരം കൃതികളാണു വിക്കി ഗ്രന്ഥശാലയില്‍ ചേര്‍ത്തു കൊണ്ടിരിക്കുന്നത്.

കുമാരനാശാന്റെ സമ്പൂര്‍ണ്ണ കൃതികള്‍, കേരളപാണിനീയം എന്നിവയാണു വിക്കിഗ്രന്ഥശാലയില്‍ ചേര്ക്കുവാന്‍ ഇപ്പോള്‍ ശ്രമിച്ചു കൊണ്ടിരിക്കുന്നത്. ഇതില്‍ കുമാരനാശാന്റെ കൃതികള്‍ ചേര്‍ത്തു കൊണ്ടിരിക്കുന്ന വിവരം ഇതിനു മുന്‍പു സൂചിപ്പിച്ചിട്ടുള്ളതാണല്ലോ. ആ പ്രവര്‍ത്തനം തീരാറായി കൊണ്ടിരിക്കുകയാണു. ആശാന്റെ എല്ലാ പ്രമുഖ കവിതകളും ഇതിനകം വിക്കിഗ്രന്ഥശാലയില്‍ എത്തി കഴിഞ്ഞു. ഇനി വിക്കിയിലാവാനുള്ള പ്രമുഖ കൃതികള്‍ ദുരവസ്ഥ, ശ്രീബുദ്ധചരിതം എന്നിവയാണു.

പിന്നീടു ബാക്കിയുള്ളത്
  • പുഷ്പവാടി
  • മണിമാല
  • വനമാല
എന്നീ കവിതാസമാഹരങ്ങളിലെ ചെറു കവിതകളാണു. ഈ സമാഹാരങ്ങളിലെ പല കവിതകളുടേയും പേരുകള് കിട്ടിയിട്ടില്ല. ഇതു പൂര്‍ത്തിയായാല്‍ കുമാരനാശാന്റെ സമ്പൂര്‍ണ്ണ കൃതികള്‍ പബ്ലിക്ക് ഡൊമൈനില്‍, മലയാളം യൂണിക്കോഡില്‍, തിരയാനുള്ള സൗകര്യത്തോടെ വിക്കിയിലായി എന്നതില് നമുക്കു അഭിമാനിക്കാം.

ഈ സം‌രംഭം പൂര്‍ത്തീകരിക്കുന്നതിനായി, ഇതില്‍ സഹരിക്കുവാന്‍ താല്പര്യം ഉള്ളവരെ മലയാളം വിക്കിഗ്രന്ഥശാലയിലേക്കു ക്ഷണിക്കുന്നു.

നാലു കാര്യങ്ങള്‍ക്കാണു ഇപ്പോള്‍ സഹായം വേണ്ടതു.

  1. ദുരവസ്ഥ, ശ്രീബുദ്ധചരിതം എന്നീ പ്രമുഖ കൃതികള്‍ പൂര്‍ത്തിയാക്കണം. ശ്രീബുദ്ധചരിതത്തിന്റെ മൂന്നു കാണ്ഡങ്ങള്‍ പൂര്‍ത്തിയായി. ഇനി നാലും അഞ്ചും കാണ്ഡങ്ങള്‍ തീര്‍ക്കണം.
  2. പുഷ്പവാടി, മണിമാല, വനമാല എന്നീ കവിതാസമാഹരങ്ങളിലെ കവിതകള്‍ ഏതൊക്കെയാണെന്നു കണ്ടു പിടിക്കുന്നതിനു സഹായിക്കണം.
  3. മുകളിലെ കവിതാസമാഹരങ്ങളിലെ ചെറു കവിതകള്‍ വിക്കിയിലാക്കാന്‍ സഹായിക്കണം.
  4. ഏതെന്കിലും കവിതയോ, കവിതാസമാഹരങ്ങളോ വിട്ടു പോയിട്ടുണ്ടോ എന്നു വേരിഫൈ ചെയ്യണം.

ഇതിനകം വിക്കിയിലാക്കിയ കുമാരനശാന്റെ കവിതകളില്‍ ഭൂരിഭാഗവും ചെയ്തതു വെള്ളെഴുത്ത്, കണ്ണൂരാന്‍ എന്നീ ബ്ലോഗര്‍മാരാണു. അവരുടെ സഹായസഹകരണങ്ങള്‍ ഇവിടെ പ്രത്യേകം സ്മരിക്കുന്നു.

അതോടൊപ്പം, ഇത്തരം ബൃഹത്തായ ഒരു സം‌രംഭം പൂര്‍ത്തിയാക്കുന്നതിനു രണ്ടോ മൂന്നോ പേര്‍ പോരാ എന്ന തിരിച്ചറിവോടെ കൂടുതല്‍ സുമനസ്സുകള്‍ ഇതില്‍ സഹകരിക്കണം എന്നഭ്യര്‍ത്ഥിക്കുന്നു.

അതിനു വേണ്ടി വിക്കിഗ്രന്ഥശാലയില്‍ നേരിട്ടു ഒരു അക്കൗണ്ട് ഉണ്ടക്കുകയോ എനിക്കു ഒരു മെയിലയക്കുകയോ ചെയ്യുക. (എന്റെ മെയില്‍ ഐഡി shijualexonline@gmail ).
Posted by at 4 comments:
Labels: ,
Subscribe to: Posts (Atom)